تاريخ الجيش المصرى خير اجناد الأرض

#خير_أجناد_الأرض
💪💪💪💪💪💪
فى ظل الأحداث الحاليه يبقى لازم نحط النقط فوق الحروف !!! عارف يعنى إيه الجيش المصرى ؟!!! 👇👇👇

👈 الجيش المصرى ده هو اول جيش نظامى تم تأسيسه فى التاريخ ... اقدم نقش عسكرى تم العثور عليه هو نقش لوحة نارمر ... يعنى إحنا بنتكلم من قبل الميلاد يعنى تاريخ مفيش دوله موجوده فى كوكب الأرض عندها زيه !!! 👇👇👇

 👈فى عهد الملك زوسر أول ملوك الاسره التالته عمل جيش ثابت محترف تحت قيادته و قسمه على فيالق ، كل فيلق يرؤسه امير مصرى والفيالق دى كانت متقسمه على فرق ، كل فرقه كان بيقودها قائد فرقه وكل فرقه كانت متقسمه على سرايا ، كل سريه بتتكون من 200 عسكرى بيقودهم حامل (الرايه/العلم) شايف التنظيم عامل ازاى ومن امتى ؟!!!

👈 مصر كونت اسطول ضخم  ، الاسطول المصرى فى الدوله القديمه كان بيشرف عليه ريس  وفى الوقت ده كان فيه سفن حربيه فى مصر بيوصل طولها لخمسين متر وأيام الملك زوسر كان عدد السفن اللى بتروح تجيب خشب الأَرز من لبنان حوالى40 سفينه فى كل رحله !!!
.................................................

👈 تفضل مصر متسيدة للعالم لحد ما يدخلها الهكسوس
ودول قبائل بدويه متخلفه (البدو الرعاة) فضلت تتسلل عبر سينا و تستقر فى الدلتا وبعد ما عددهم زاد اصبح الغزو الهكسوسى اللى حصل فى مصر ، يعنى من غير حرب ولا اى حاجه !!! يعنى قابلوا إحتواء مصر ليهم بالخيانه والطمع !!!

👈 المهم تحصل محاولات وحروب ممكن نوصفها زى حرب الإستنزاف كده مثلا لحد ما الملك العظيم أحمس وجيش مصر يطرد الهكسوس من مصر ، و يطاردهم الجيش المصرى فى سينا لغاية ما اختفوا مش بس من مصر و حدودها و لكن من التاريخ كله ...  https://youtu.be/4-ftfCYd-XQ
.................................................

👈وبعد طرد الهكسوس الجيش المصرى حقق انتصارات كتيره فى الجنوب و وتستمر إنجازات الجيش المصرى فى عهد امينحتب الاول  و تحتمس الاول ، و تحتمس التانى لحد ما نوصل لعهد العظيم  تحتمس الثالث مؤسس أول إمبراطورية فى التاريخ واللى إتكلمنا عنه فى بوست لوحده ...
https://m.facebook.com/story.php?story_fbid=265887373941256&id=100015599852482
.................................................

👈 ونيجى لرمسيس الثانى العظيم واللى عمل تحديث فى الجيش المصرى وبقى يتكون من اربع فيالق ، منها فيلق امون و فيلق رع و فيلق ست ، كل فيلق كان بيتكون من 5000 محارب بتتكون منهم عشرين كتيبه ،
فى كل كتيبه 250 محارب متقسمين على سرايا ، فى كل سريه خمسين محارب. كل كتيبه و كل سريه كان لها
(رايه / علم) خاص بيها ... وطبعا إتكلمنا عن العظيم رمسيس الثانى فى بوست لوحده وطبعا مننساش معركة قادش
https://m.facebook.com/story.php?story_fbid=265538117309515&id=100015599852482
.................................................

👈 نيجى للبطالمه واللى اولهم كان أحد قادة جيش (الإسكندر الأكبر) وهو (بطليموس الأول) واللى حكم مصر وإهتم بمدينة الإسكندرية اللى أسسها الأسكندر الأكبر قبل مغادرته مصر وخلاها هى العاصمة ...

👈 والبطالمه كانوا أذكياء وقربوا من المصريين وإندمجوا مع التقاليد والعادات المصرية،وعملوا معابدهم للالهة المصرية وعاشوا على الطريقة المصرية وتزوجوا من المصريين ... وفى العصر البطلمى ده خاض الجيش المصرى حروب كتيره فى اسيا ووسع حدود مصر و بحلول عهد بطليموس الثالث ، الجيش المصرى بقى اقوى جيش فى العالم باسطول بحرى ضخم كان مصدر رعب لكل اعداء مصر ...

👈 ولما استولى (انطيوخوس الثالث) على سلوقيا (عاصمة سوريا وقتها) ، اللى كانت تابعه لمصر ، طلع الجيش المصرى بقيادة (بطليموس الرابع) و معاه اسطول مصر وأباد جيش (انطيوخوس) فى معركة رفح عن اخره !!!
.................................................

👈 فى العصور الوسطى و اجهت مصر مؤمرات و تحالفات مسلحه  ونبتدى طبعا بصلاح الدين الأيوبى ومعركة حطين صحيح صلاح الدين كان قائد عظيم إنما الجيش المصرى كان العمود الفقرى لجيش صلاح الدين الأيوبى و مصدر قوته ...
 من غير الجيش المصرى و الاسطول المصرى صلاح الدين كان حيحتاس !!! وطبعا دى مشهوره ومعروفه ولا ايه ؟!!!
.................................................

👈وبعدها معركة غزة أو معركة الحربية وتسمى أيضا معركة لافوربي ودى حصلت فى شرق غزة بين تحالف للصليبيين.   مع أيوبيين انفصاليين في دمشق وحمص والكرك من جهة، والجيش المصري التابع للسلطان الأيوبي وقتها من جهة أخرى. انتهت كالعادة بالنصر  للجيش المصرى ...
.................................................

👈 بعدها بست سنين هاجم الصليبيين مصر بقيادة لويس التاسع ملك فرنسا اللى اتشقلط وإتاخد أسير ...
https://youtu.be/Bq6mmp3o3w4
.................................................

👈 بعدها بعشر سنين خاض الجيش المصرى معركة حياه أو موت ضد (المغول/ التتار) فى عين جالوت.
https://youtu.be/fZdWQH_woLk
.................................................

👈 معارك كتيررررر بعدها وإنتصارات وندخل فى مراحل إنكسار وبعدها نيجى لعصر محمد على ويبتدى يكوّن جيش مصرى من المصريين ويثبت الجيش المصرى الحديث قوته. الاسطول المصرى فى عهد محمد على كان ثالث اقوى اسطول حربى فى العالم بعد انجلترا و فرنسا (القوتين العظمتين وقتها) وتستعين الخلافه العثمانيه بالجيش المصرى عشان يخمد ثورة الثوار اليونانيين وينجح فى اللى مانجحش فيه الاتراك !!!

👈 لعشرات السنين صال وجال الجيش المصرى فىنجد و الجزيره العربيه و الشام و الاناضول و اليونان و جزر البحر المتوسط والسودان وفضل يتنقل من نصر لنصر وانتصر الجيش المصرى نصر كبير فى معركة نصيبين فى جنوب تركيا و اتفتح الطريق قدام الجيش المصرى عشان يستولى على الاستانه عاصمة الخلافه العثمانيه نفسها اللى ما انقذهاش غير تدخل كل أوروبا قبل ما تقع فى إيد مصر.
https://youtu.be/E3gyegTdSiU
.................................................

👈 وتستمر الأحداث وتقابلنا صعوبات وكوارث ونوصل ل 67 وبعدها تيجى إنتفاضه الشعب وتبتدى بالإستنزاف
إلى ان نصل للإنتصار الكاسح أكتوبر 73 ...
https://youtu.be/WP9uOZJ1XLo
.................................................

👈وتستمر الاحداث لحد إنتصار 6/30 ويستمر الإنتصار
ده إختصار بسيط جدا لتاريخ الجيش المصرى العظيم

👈 عنان إترشح للرئاسه !!! وقبلهم شفيق يترشح ويتراجع !!! فبصرف النظر عن رؤية البعض وإختلافهم فى الرأى وسواء تتفق او تختلف على الأشخاص إنما يفضل الجيش والمؤسسه العسكريه فوق مستوى الشبهات ...

👈 لو بتهاجم شخص من منطلق حبك للرئيس السيسى  ده ميديش ليك الحق إنك تهاجم المؤسسه العسكرية المصرية !!! أو تدى فرصه لحد عندك يتطاول على بلدك وجيشها !!! وانا ححاول افترض الوطنية وحسن النوايا فى شخصك !!!

طبعا انا عارف اصدقائى ومتأكد من وطنيتهم وإخلاصهم وحبهم لمصر وجيشها ورئيسها وشعبها وهم كمان لازم ياخدوا بالهم من اللى عندهم ...
⁦🇾🇪⁩⁦🇾🇪⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪⁩⁦🇾🇪
#تحيا_مصر
Cezar